雪耳👂🏻屬於「膠質真菌」，不但含豐富營養，當中嘅蛋白質就含有17種氨基酸，其中7種更係人體身體所需，同目前大部份護膚品中流行嘅氨基酸成份一樣，所以有嫩膚、袪斑、美白肌膚等作用🧖🏻♀️，同燕窩擁有嘅「表皮生長因子」所帶來嘅修復護膚效果其實唔同。中醫學角度認為雪耳性平味甘，對肺、胃、腎均有裨益，有滋陰潤肺嘅功效，適合經常感到口渴、胸悶氣短的人士。
大部份人都認為大大個，「白雪雪」嘅雪耳球❄️先係靚貨，但其實只不過係不法商人以二氧化硫漂白過，令大家錯覺以為外貌靚仔嘅雪耳先係正貨。而經硫磺加工後嘅雪耳，如果用嚟煲湯會溶溶爛爛，用來做糖水稠度十足，如是者容易引起錯覺，令普遍人以為係膠質，其實大家食緊劣質食材都唔知😱。真正靚嘅雪耳以「福建漳州銀耳」為首，暗瘀黃色，看來粗糙又細粒，其貌不揚，實情係雪耳界中最優質，無論煲湯或燉湯水，都能保持爽脆口感。而漳州銀耳一般會以甲、乙、丙、丁四級劃分，即係大小嘅標準，我地花膠園則係採用乙、丙級數嘅雪耳。
雪耳無疑有助紓緩便秘、高血壓、血管硬化等，適宜陰虛體質者經常食用，但係食得太多可能會出現腹瀉，而患有風寒咳嗽、痰多嘅人就不宜食用，大家進食時應適可而止。仲有因為雪耳有滑腸嘅功效，而孕婦要以保護胎兒為原則👶🏻，任何滑利嘅食品都應盡量少食🙅🏻♂️！
Comments