花膠同大閘蟹一樣都係有公乸之分🕵🏻♀️🕵🏻♂️，咁公乸嘅分別有幾大呢？ 先教大家點樣分公乸💁🏻♀️，通常大隻嘅花膠就會比較容易分辨到👀，太細隻嘅花膠因為紋理冇咁清晰，所以就難分啲😅。花膠公身上多數帶有v 字紋或直紋🔎，表面仲有2條明顯嘅法令紋，而花膠乸身上多數帶直紋，亦有特別品種嘅花膠係需要靠其他特別嘅特徵去分辨公乸，不過今日就唔長氣啦。 花膠公同乸最明顯嘅分別就係價錢💰，同一隻品種、大小嘅花膠中，公可以貴過乸好幾倍💸。口感方面，花膠公嘅口感比較結實💪🏻、爽口，煮起上冇咁易溶🔥，而花膠乸就比較瀉身，長時間烹煮會比較易溶，入口會比較軟綿綿。 點解公會貴咁多呢？咁係因為公係比較罕有🐟，通常捉返嚟嘅魚裡面大約有4分3係乸🐠，得4分1先係公，所以物以罕為貴，公嘅價錢就自然貴啲📈。同時，有人講過公嘅食療功效比乸更高、更加補💪🏻，不過亦有做咗海味多年嘅行家講過其實公乸嘅功效分別不大🤔，所以大家買花膠嘅時候，可以就住自己嘅經濟能力同需要再三考慮🧐。 最後都係個句，進補都係豐儉由人同要持之以恆🏃🏻♀️🏃🏻♂️，如果你只係想得閒補一補骨膠原，等皮膚好啲，或者想簡單地養下胎，咁就公乸都冇所謂啦。
Comments