女仔聽到宮寒都會打冷震🥶，因為宮寒會引致經痛😵💫、手腳冰冷、吹風會頭痛🤕，甚至不育。不過宮寒同宮熱嘅症狀都十分相似，想知道自己屬於寒定熱，最後都係參考返上一篇文章🔎，如果你確定自己係屬於宮寒的話，可以嘗試以下嘅暖宮方法💁🏻♀️。
如果想暖宮🔥，可以先由身體保暖入手，除咗夏天嗰陣唔好成日開大冷氣吹住🚫🌬，得閒可以用暖包或熱水袋去熱敷下自己嘅小腹，怕麻煩的話，亦有人會用風筒每晚用暖風吹自己嘅小腹，不過記得注意溫度啊。
如果在座有人深受宮寒嘅困擾，身體、手腳冰冷到無法入睡🥱，可以試下臨瞓前泡腳🪣，準備一大盤熱水再加入粗鹽或薑片🧂。同埋為免赤腳行路好易俾寒氣入身體，大家平日係屋企記得要着拖鞋或襪🩴🧦，因為腳係我哋嘅第二個心臟，做好腳部保暖🦵🏻，成個人都冇咁易怕凍。
飲食上，宮寒嘅女孩子可以食多啲行氣活血嘅食物🍽，例如紅棗、龍眼、山藥、紅豆、當歸等，而且要避免進食寒涼生冷野🚫🦪🧊，例如苦瓜、西瓜、刺身等。燉品方面，👩🏻🍳宮寒嘅人可考慮🌼紅棗黃耳燉花膠、✨冬蟲夏草燉花膠，及🍶桂花酒釀燉燕窩。
Comments