【想滋潤啲的話🧖🏻‍♀️，記得要食埋麥冬落肚啊😉】

大家飲雪梨無花果燉花膠嘅時候🍐，有冇留意裡面有幾粒唔起眼嘅麥冬呢🧐？如果你想今個秋冬冇咁乾燥的話🍂，就記得食埋佢落肚啦！👩🏻‍🍳 麥冬可以養陰生津💧、清心潤肺🌱，凡係身體有「乾爭爭」嘅感覺🌋，例如：喉嚨痕、咳嗽、口乾、大便乾燥、便秋，都可以食下麥冬滋潤返😋。另外，如果係心火盛搞到心絞痛🙍🏻‍♀️、胸悶、失眠🛌、心煩氣燥🤯，可以試用麥冬降火。 肺部同身體夠滋潤🍯，除咗可以舒緩乾燥為身體帶來嘅不適外🌿，亦因為肺主皮毛，養好個肺都可以令你皮膚睇落去更有光澤同少啲粉刺✨，聽落係咪好吸引呢？不過，麥冬纖維較多🥬，而且比較硬身🔨，食得多會容易令到胃部不適，所以消化能力較差嘅朋友仔，要小心食用啦💁🏻‍♀️。