【🤰🏻孕婦適宜食咩水果？😋】

水果基本上係每個人每一日嘅生活必需💪🏻，對孕媽媽嚟講更加係用嚟補充BB 👶🏻同媽咪👩🏻嘅營養，但係孕婦食水果又有咩需要注意呢？👀 孕婦挑選水果個陣其實需要先睇睇自己嘅體質🔎，如果懷孕期間嘅體質係偏寒🥶，可以多啲食熱性嘅水果，例如車厘子🍒、番石榴、棗等。如果懷孕中嘅你係屬於偏熱嘅體質🥵，就可以多食一啲偏涼嘅水果，例如士多啤梨🍓、奇異果🥝同梨🍐。 如果唔太了解自己體質💭，又怕自己食錯水果身體受唔到🤔，可以考慮一啲平性嘅水果，其中蘋果🍎同提子🍇都係唔錯嘅選擇。蘋果嘅纖維可以幫手舒緩便秘💩，如果孕期中出現肚瀉不適🤧，可以試試連皮食蘋果去止瀉👍🏻。提子方面，佢含有豐富嘅鈣質、胡蘿蔔素、維他命C 同B1，可以緩解水腫、清心潤肺🌱，仲可以改善手腳冰冷❄️、氣血不足嘅問題，好適合水腫情況嚴重嘅媽媽食用🤰🏻。 不過係到提提大家💡，水果唔單止含有豐富嘅營養，有啲仲有好高嘅糖分🍯，如果有肥胖、糖尿病家族病史嘅孕媽媽就要注意食量🚨，同唔好食太甜嘅水果啦。另外，一啲濕毒嘅水果，例如芒果🥭同榴槤等，就唔適合本身🙅🏻‍♀️濕重、有濕疹同有念珠菌問題嘅孕婦食啦。最後最後，👩🏻‍🍳記得少吃多滋味，多吃壞肚皮，無論個樣嘢對身體幾有益，同幾好味，都要記得適可而止啊😉。