好多媽媽都想自己嘅小朋友贏在起跑線🏃🏻，呢條起跑線唔係講緊家底，而係講緊身體🏋🏻，因為BB 精靈強壯👶🏻，唔單止學習能力更高📚、大個少啲病痛，更能夠令媽咪少啲擔心，所以真係千金難買身體好啊💰。
想BB更健康，除咗要做好產前檢查👩🏻⚕️，媽媽更可以透過飲食🍳令卵子質素同體內嘅懷孕環境更好，以下有幾種好孕食物，有意懷孕嘅準媽媽可以留意啦😉：
1. 平性或溫性嘅水果🍇
水果含有豐富嘅維他命C及抗氧化物🍊，不但可以增強身體抵抗力💪🏻，更有利卵子喺卵巢發育。🥶因為涼性嘅水果（例如西瓜🍉、梨🍐、山竹等），食得太多有機會導致宮寒，影響受孕機會，所以食生果記得要好好選擇🤔。而橙🍊、木瓜、提子🍇、奇異果🥝等平性或溫性嘅水果都十分適合備孕時多食。
2. 充滿骨膠原嘅食物🤤
骨膠原對身體同皮膚嘅好處相信大家都知道，所以花膠、豬手🐖、雞腳🐓等食物好受備孕媽媽歡迎，因為佢可以有助細胞修復，當中花膠更有修復子宮內膜、滋陰養血嘅功效✨，可以令媽媽受孕時，陀BB陀得更穩🤰🏻，甚至有媽媽話食多啲含豐富骨膠原嘅食物，可以減少妊娠紋嘅出現❤️。
3. 深綠色嘅蔬菜🥬
葉酸、維他命 A、維他命B2及微量元素都對助孕十分重要，而深綠色嘅蔬菜唔單止有齊以上嘅營養，而且含有豐富嘅葉綠素🥦，可以幫助強化女性生殖系統、幫身體排毒♻️。但食菜嘅時候最好避免生食🥗，因為生食才會令體質變得偏寒，另外都要避免太寒涼嘅菜，例如苦瓜、絲瓜🥒。
4. 堅果🥜
不論對於懷孕中定係準備懷孕嘅媽媽，堅果嘅好處都好多😋，因為堅果含有豐富嘅維他命E，可以提高生育能力而且預防流產💪🏻。另外堅果含有嘅良好脂肪同抗氧化物，有助懷孕後BB嘅腦部發展🧠，所以係備孕媽媽嘅好朋友。
Comentários