【女人都會腎虧？🤫】

一講起腎虧，相信每個男人都會避之則吉，唔想自己同個「虧」字有關連。不過，今日要為男士平反下，因為腎虧並唔係男士嘅專利，女士都可以受腎虧困擾，而且腎虧更可以影響生活嘅多方面架。

腎虧又稱為腎虛，當中醫話你腎虧，其實唔係代表你嘅腎功能真係出現問題，而係代表下腰、下肢、泌尿及生殖系統整體出現小毛病或較虛弱，所以不論男女，生活習慣差的話都可能會受腎虧困擾，而且腎虛同性能力有問題並唔係必然嘅關係，所以知道自己腎虛嘅朋友仔唔使咁驚住。

腎虛嘅男女，通常會出現腰酸背痛、手腳冰冷、咳嗽氣喘、頭髮同皮膚比較乾燥、面色暗淡、耳鳴、眼乾鼻乾、記憶力變差等症狀。而較嚴重嘅情況，就會因腎氣不足而出現遺精、性冷感、白帶或月經量過多，什至有懷孕中嘅女士出現懷胎不穩、小產嘅情況。

想好好養腎的話，可以多食黑色嘅食物，例如黑芝麻、黑豆、木耳、南棗等，或者栗子、淮山、腰果、韭菜等都可以加入日常膳食，改善腎虛情況。如果想效果更為顯著，甚至係為生育作準備的話，花膠與冬蟲夏草係最佳嘅配搭，冬蟲夏草適合各種腎虛嘅情況，而花膠補腎之餘仲可以滋陰。

提提大家，病向淺中醫，上述資訊係比大家參考，了解點樣喺日常調理身體，但如果身體出現嘅情況較嚴重，就最好盡快求醫啦。