杏仁含豐富抗氧化物同不飽和脂肪酸，佢嘅維他命E更加係芝麻嘅13倍，南瓜嘅6倍🎃，可以預防細胞老化，潤膚駐顏，延緩衰老，更可預防糖尿病同心臟疾病等。花膠園嘅杏汁喺採用相對比例嘅南杏同北杏去即磨而成，而我地更會預先早一晚浸泡，令杏仁可以充分吸飽水分，擠出更多杏汁💧。
至於南杏(甜杏仁)我地則採用當中品種最頂級嘅龍皇杏🐉，龍皇杏其實係一種名叫龍皇帽杏嘅種子，喺河北、甘肅、內蒙一帶亦有出產。由於龍皇杏仁富含硒，而硒又係公認嘅抗癌元素，因此甜杏仁對於防癌抗癌有一定嘅作用。而甜杏仁蛋白質含量明顯高於其他果仁，鋅含量係核桃仁的2.2倍。適量地食用甜杏仁可以潤肺定喘，滑腸通便。龍皇杏以原顆大粒為上等，而行內更有規定，每粒重量過0.78克為一級品質，越重，味道越佳。最能品嘗其味道嘅做法當然係將佢磨碎隔渣作杏仁茶，又白又滑的杏仁茶杏味香甜，有養顏功效，啱哂貪靚嘅女士🧖🏻♀️。
北杏味苦，又叫苦杏仁，性微溫，可止咳平喘，潤腸通便。現代科學證明，北杏仁苷水解生成嘅微量氫氰酸對呼吸中樞有鎮靜作用，具有止咳、平喘的功效，與南杏合用加強潤肺之功效。但具有一定嘅毒性，只食二三十粒已經可令人中毒，甚至致命，所以比例好重要⚖️。平時我地使用北杏仁，用量要控制喺10克之內，以免過量食用傷及身體。
值得注意嘅係孕婦並非每種杏仁都可以食用❌🤰🏻，譬如我哋啱啱提及過嘅北杏，因為藥用價值高，有緩解支氣管炎嘅作用，多作為治病藥物；《本草備要》記載，杏仁有小毒(含有氰胺酸)，孕婦如果要服用，一定要有醫師嘅處方。
Comments