【乾嘅花膠應該點保存啊？🤷🏻‍♀️】

有自己發過花膠嘅人都知道，發頭靚嘅花膠真係就算半斤都可以食好耐😋，但如果冇咁快食得哂，究竟可以點樣保存，同埋可以放幾耐呢🤔？ 首先，如果花膠保存得好🌱，基本上係唔會過期架。喺以前物質比較缺乏嘅年代🍂，對水上人嚟講花膠係極之珍貴嘅食材，亦係治療傷口嘅「藥」💊，只會一代傳一代，賣都唔捨得賣，所以花膠係冇話需要係指定時間內食哂佢🕐。 保存花膠方面，其實好簡單，只要放入一個通氣嘅布袋或網袋裡面🤲🏻，再放係或掛係清涼、乾爽嘅地方🌬，咁就可以啦。提提大家💡，最好唔好放係雪櫃保存❌，因為咁反而會令件花膠吸咗雪櫃嘅濕氣。另外，當花膠唔夠乾爽嘅時候💁🏻‍♀️，千祈唔好再用膠袋包住佢，因為咁樣會令到花膠好易生蟲🐛。 如果怕回南天啲花膠受潮或有蟲蟲到訪的話🧐，可以得閒曬一曬佢🌤（唔好暴曬，否則花膠有機會裂，曬完之後亦都要攤凍先好收埋），或者放少許八角同花膠一齊，用八角嘅味道驅蟲，再或者將屋企嘅抽濕機開大啲，保持屋企乾爽就可以啦😉。