花旗參屬於五加科植物根部🌱，由於主要產地係美國、加拿大，又稱「西洋參」，當中蘊含多種有益身體嘅成分，例如維他命(包括B1、B2、C)、微量元素(包括磷、鉀、銅、鈣、鋅等)、脂肪酸、多糖類及碳水化合物、人參皂苷等，具備補氣、養陰、抗疲勞、抗衰老、增強免疫能力等作用💪。人參皂苷(Ginsenoside)更加係一種值得留意嘅成分，只出現喺人參屬植物中，屬活性物質，好處多多，如促進細胞新陳代謝、消炎、穩定血糖、降低膽固醇、降低血壓、改善大腦細胞等🧠。可以有效地增強中樞神經，達到靜心凝神、消除疲勞、增強記憶力等作用，適用於失眠、煩躁、記憶力衰退及老年痴呆等症狀。
自從進入電腦化時代後💻，人們坐辦公室嘅時間越來越長，返工一整日幾乎都係坐喺張凳度💺，而根據美國心臟病學會(American College of Cardiology)研究，久坐(sedentary)會令血液循環變差，每多坐1小時，患心血管疾病嘅機率就會增加14%💔。對上班一族而言，花旗參絕對係忙裏偷閒嘅怡神飲料，因為服食花旗參可以抗心律失常、抗心肌缺血、抗心肌氧化、強化心肌收縮能力，仲可以調節血壓，有效降低暫時性和持久性血壓。研究指出，不管任何族群攝取花旗參(西洋蔘)中的人参皂苷(ginsenosides)，都能有效增加工作記憶✍🏻🤩
不過，提提大家，花旗參屬寒涼藥材，體質屬虛寒、陽氣不足(如面色蒼白、四肢冰冷、舌淡苔白)、胃有寒濕(如飲食無度、嗜食生冷)者不宜使用，若食用過量可能會有腹瀉、搔癢、頭痛等副作用🤯。烹調方面，切忌用金屬器皿煲花旗參湯，亦不可炒花旗參，以免影響其功效❌。此外，由於花旗參屬參類植物，服食期間，切忌飲茶或者食蘿蔔。另外，花旗參可抑制血小板聚集、抗血栓形成，而由於產婦喺生產過程中內外生殖器的血管多有損傷，此時若服用花旗參很可能會影響受損傷血管嘅自行癒合，從而造成流血不止，甚至會引起大出血。所以，產婦生產後的一周之內，唔可以服用花旗參🙅🏻♀️🤱🏻。
Comments