除咗透過飲食增加懷孕機率🤰🏻，生活上亦都有好多嘢可以做到💪🏻，令到備孕過程可以事半功倍，更快中獎🥳，以下有幾樣可以男女雙方一齊做嘅小事，計劃生BB嘅人可以留意一下：
1. 體重管理⚖️
不論過輕或過重嘅身形，都係不利於懷孕🙅🏻♀️。由於肥胖會影響內分泌，女士的話會影響排卵，男士則會影響精子數量，更會大大增加患上乳癌、卵巢癌、前列腺癌嘅風險👩🏻⚕️。而體重過輕亦有機會導致生殖器官無法正常運作，月經同排卵唔定時🙍🏻♀️、精子活力減低🙎🏻♂️。所以要保持良好嘅運動🏃🏻♀️🏃🏻同飲食習慣，唔好暴飲暴食，或為咗減肥而過分節食，適量嘅運動可以令身體更容易受孕👶🏻。
2. 避免煙酒🚭
煙酒不但會令精子及卵子質素變差🥀，即使精子同卵子結合，都有機會發育成身體或智力唔健康嘅寶寶。🚬香煙中嘅尼古丁會令女性嘅受孕能力減弱，即使成功陀到BB，流產同BB有缺陷嘅機會率都會比冇食煙嘅媽媽高👨🏻⚕️。而酒精🥃同樣有機會導致流產、子宮及陰道感染或造成胎兒生長遲緩，所以如果有意造人的話，最好至少提早三至四個月戒煙及戒酒😉。
3. 避免環境荷爾蒙🧪
環境荷爾蒙係指一啲能夠擾亂人體內分泌嘅人工合成化學物質🧫，最常接觸到嘅係塑化劑、防腐劑、酚類清潔劑🧴同重金屬，通常存在係嘅膠容器🍱、化妝品💅🏻、清潔用品同食物中。呢啲物質會大大降低男性嘅精子嘅數量同質素，亦會降低女性嘅生育能力，或導致BB有先天性嘅發育異常。要避免攝取太多嘅環境荷爾蒙，可以少食外賣🥗，或外賣時自備自己嘅餐盒，同時生活中可以多啲使用天然有機嘅食物化妝品同清潔劑🌳。
4. 懷孕前檢查👩🏻⚕️👨🏻⚕️
不論係剛剛開始計劃生育，定係試咗好耐都未有結果，懷孕前檢查都好適合想生BB嘅各位💁🏻♀️。通常檢查會了解到精子同卵子嘅質素🔬、雙方身體情況係咪都適合生BB🤱🏻，或大家身體欠缺咩營養，同時亦會就一啲常見嘅遺傳疾病進行檢驗，進一步確保大家可以生出健康嘅BB👧🏻。
Comments